Röya Türkiyədə albom satışında 3-cü yeri tutub – FOTO-VİDEO

Azərbaycan estradasının ulduzu Röya Türkiyə şou-biznesini yeni “Kesin Bilgi” musiqisi ilə fəth etməyə davam edir.

1news.az  xəbər verir ki, “Kesin Bilgi” musiqi parçası Türkiyə şou biznesinin tanınmış ifaçısı Gülşənin bəstəsidir. Musiqinin yaranmasında DJ Ozan Çolakoğlu da iştirak edib.8 noyabr tarixində təqdimatı keçirilən videonun Yutubda  izlənmə sayı  hal –hazırda 5.213.000 çatıb. Kompozisiya Türkiyənin ən reytinqli televiziya layihəsi “Beyaz Şou”-nun da efirində səslənib. Keçən həftədən etibarən musiqiyə çəkilən klip Kral Pop kanalı ilə nümayiş olunmağa başlayıb. Uğurlu musiqi parçası Yutubda uğur qazanmaqla yanaşı, Kral Pop kanalındakı versiyasına görə Türkiyədə ən çox satılan sinqlların ilk onluğuna daxil olub. Top 10-luqda keçən həftə 7-ci sırada yer alan Röya bu həftə liderlər üçlüyünə daxil olub.

Qeyd edək ki, top 10-luqda ilk yeri İrem Demirci (“Aşk eşittir biz”)  2-ci yeri isə Mustafa Sandal (“Ben olsaydım”)  tutur.