Ziraat Bank rəhbərinə istinadən yayılan manatın məzənnəsinin düşəcəyi barədə məlumatı təkzib etdi

“Ziraat Bank Azərbaycan” ASC bəyanat yayıb.

1news.az bəyanatı olduğu kimi təqdim edir

11 və 12 Dekabr 2015 ci il tarixində Azərbaycan Respublikasının bəzi KİV-lərində “Ziraat Bank Azərbaycan” ASC-nin İdarə Heyətinin Sədri Avni Demircinin, ölkədə 1 dolların 2 manat ola bilməsini ifadə etdiyinə dair yanlış məlumatlar yayınlanmışdır. İctimaiyyətin, o cümlədən müştərilərimizin nəzərinə çatdırmaq istəyirik ki, bu məlumatların heç bir əsası yoxdur və onlar həqiqətə uyğun deyildir.

152 illik tarixə malik olan Ziraat Bank fəaliyyətdə olduğu ölkələrin iqtisadiyyatına dair araşdırma və proqnozlarını kütləvi informasiya vasitələrində paylaşmamaq prinsiplərinə sahibdir.

Təmsil etdiyimiz bank dünyanın 18 ölkəsində fəaliyyət göstərir və hər bir ölkədə biz yerli valyutaya güvənirik. Qardaş ölkə, Azərbaycan Respublikasının milli valyutası və iqtisadiyyatının sabitliyinə güvənimiz hər zaman olduğu kimi yüksəkdir.

Bu tərz yanlış və həqiqətə uyğun olmayan xəbərlərə qarşı hüquqlarımız qanunvericilik çərcivəsində qorunur.

İctimaiyyətdən və müştərilərimizdən KİV-lərdə yayınlanan yanlış və həqiqətə uyğun olmayan xəbərlərə etibar edilməməsini xahiş edirik.