Azərbaycanda pullu xidmətlərin həcmi 5,4 faiz artıb

Cari ilin 11 ayı ərzində əhaliyə göstərilən pullu xidmətlərin həcmi ötən ilin eyni dövrü ilə müqayisədə 5,4 faiz artaraq 6 milyard 450,6 milyon manat olub.

1news.az-ın AZƏRTAC-a istinadən məlumatına görə, Dövlət Statistika Komitəsindən bildirilib ki, artımın 55,5 faizi hüquqi şəxslərin fəaliyyəti nəticəsində yaranıb və onlar tərəfindən əhaliyə 4 milyard 724,0 milyon manatlıq xidmət göstərilib. Bu, əvvəlki ilin müvafiq dövrünün göstəricisini 4,0 faiz üstələyib.

Həmin dövrdə hər bir ölkə sakini orta hesabla 61,6 manatlıq və ya əvvəlki ilin müvafiq dövrü ilə müqayisədə 3,1 manat çox müxtəlif pullu xidmətlərdən istifadə edib.