Vaqif Cavadov «Sumqayıt»a keçdi

“Sumqayıt” klubu daha bir futbolçunu heyətinə qatıb.

1news.az-ın məlumatına görə, son olaraq “Qəbələ”də çıxış etmiş yığmamızın üzvü Vaqif Cavadov mövsümün sonuna qədər “gənclər şəhəri”nin komandasında çıxış edəcək. 26 yaşlı futbolçu yeni komandasında 70 nömrəli formanı geyinəcək.

2006-cı ildən Azərbaycan millisinin formasını geyinmiş Cavadov 57 qarşılaşmada meydana çıxıb və rəqib qapılarından 7 top keçirib.

1news.az