SAM yeni kitab nəşr edib
2015-ci ildə ABŞ, İtaliya, Almaniya və Türkiyədən olan 6 müəllif və ekspert Azərbaycan-Türkiyə-Gürcüstan, Azərbaycan-Türkiyə-İran və Azərbaycan-Türkiyə-Türkmənistan formatlarının ayrı-ayrı aktual aspektlərini tədqiq ediblər.
Bu haqda1news.az-a Strateji Araşdırmalar Mərkəzinin (SAM) mətbuat xidmətindən verilən məlumata görə, tədqiqatların nəticəsində Azərbaycanın üçtərəfli xarici siyasətinin müxtəlif formatlarına dair məqalə və hesabatları dərc edilib.
Bu mövzuların Azərbaycan Respublikasının milli maraqları üçün aktuallığını nəzərə alaraq, SAM "Azərbaycan xarici siyasətinin üçtərəfli istiqaməti" (Trialateral dimension of Azerbaijan’s foreign policy) adlı kitab nəşr edib.
Hesabatlarda Azərbaycan Respublikası üçtərəfli formatların əsas təşəbbüskarı və iştirakçısı kimi təqdim olunub, onun çox mürəkkəb geosiyasi şərait və beynəlxalq münasibətlər fonunda xarici siyasəti ilə geniş Avrasiya coğrafi məkanında sülhün, sabitliyin və təhlükəsizliyin təminində, iqtisadi inkişafın və ticarət əlaqələrinin möhkəmləndirilməsində müstəsna rolu işıqlandırılıb.
Qeyd edək ki, kitabın redaktorları Azərbaycan Respublikasının Prezidenti yanında Strateji Araşdırmalar Mərkəzinin direktoru Fərhad Məmmədov və mərkəzin elmi işçisi Fuad Çıraqovdur.
1news.az
