Neftin qiyməti 31 dollardan aşağı düşüb
Brent markalı neftin qiyməti 2004-cü ildə müəyyənləşən psixolji sərhəddi 1 barel-31 dollar həddini də aşdı.
1news.az RİA Novosti-yə istinadən xəbər verir ki, ICE London qitələrarası birjasında Brent markalı neftin 1 barelinin dəyəri 2,31% azaldığından 1 barrel - 30,86 dollar olub.
Aparılan alqı-satqı əməliyyatları nəticəsində Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti isə 1 barelə görə 2,94% azalıb və 1 barel 30,48 dollar təşkil edib.
Cərşənbə axşamı dünya bazarında neftin qiyməti Çin iqtisadiyyatının vəziyyəti ilə əlaqədar narahatlıq fonunda daha da enməkdədir.
1news.az
9:40
Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,47% azalaraq 30,94 dollar təşkil edib.
1news.az gazeta.ru-ya istinadən xəbər verir ki, ICE London qitələrarası birjasında Brent markalı neftin 1 barelinin dəyəri 0,45% azaldığından 31,10 dollar olub.
