Tayvanda qadın ayaqqabısı formasında kilsə tikilib

Tayvanın Tsyai şəhərində qadınları kilsəyə cəlb etmək üçün qeyri-adi üsula əl atıblar.

1news.az-ın dailymail.co.uk saytına istinadla verdiyi xəbərəgörə, şəhərdə nağıl qəhrəmanı “Sindirella”nın ayaqqabısı formasında şüşə kilsə tikilib.

Kilsənin açılış mərasimi fevralın 8-də – Çin ay təqvimi ilə yeni ildə keçiriləcək.

Hündürlüyü 17 metr, eni 11 metr olan binanın tikintisində 320 ədəd şüşə parçasından istifadə edilib.

1news.az