İstanbulda terror aktı törədən şəxsin fotosu yayılıb - FOTO

Türkiyənin hüquq - mühafizə orqanları İstanbulun Sultan Əhməd meydanında turistlərin arasında özünə qəsd edən terrorçunun adını açıqlayıb.

1news.az Milliyət qəzetinə istinadən xəbər verir ki, terrorçu kamikadze 28 yaşlı Səudiyyə Ərəbistanı vətəndaşı, etnik suriyalı Nabil Fadli olub.

Nəşrin yazdığına görə, Fadli İŞİD terror təşkilatının üzvüdür və son dəfə 5 yanvar 2016-cı ildə İstanbul videokameralarında  görüntülənib.

Qeyd edək ki, H.Fadlinin  əl izləri, Daxili İşlər Nazirliyinin informasiya bankına bəzi mühüm prosedurlara görə daxil edilmişdi. Onlar terrorçunun cəsədindən alınan əl izləri ilə uyğun gəlib.

Xatırladaq ki, dünən İstanbulun  Sultan Əhməd meydanında baş verən güclü partlayış nəticəsində 10 nəfər həlak olduğu, 15 nəfərin yaralandığı haqqında rəsmi məlumat verilib.

1news.az