Türkiyənin Diyarbəkr vilayətində eyni vaxtda 3 partlayış törədilib, ölənlər və yaralananlar var - FOTO - VIDEO - YENİLƏNİB | 1news.az | Xəbərlər
Dünya

Türkiyənin Diyarbəkr vilayətində eyni vaxtda 3 partlayış törədilib, ölənlər və yaralananlar var - FOTO - VIDEO - YENİLƏNİB

09:59 - 14 / 01 / 2016
Türkiyənin Diyarbəkr vilayətində eyni vaxtda 3 partlayış törədilib, ölənlər və yaralananlar var - FOTO - VIDEO - YENİLƏNİB

PKK terrorçuları Türkiyənin Diyarbəkir vilayətinin Çinar rayonunda terror aktı törədiblər.

1news.az-ın Türkiyə mətbuatına istinadən verdiyi xəbərə görə, terrorçular eyni anda üç müxtəlif yerə -  polis şöbəsi, jandarm idarəsi və polis əməkdaşlarının xidməti mənzillərinə hücum ediblər. 

Terrorçular polis bölməsinin yaxınlığında minalanmış avtomobili partladıb, daha sonra binanı qumbaraatanlardan atəşə tutublar. 

Bakı vaxtı ilə saat 01:45-də baş verən terror aktı nəticəsində biri uşaq olmaqla 5 nəfər ölüb, 6-sı polis olmaqla 39 nəfər yaralanıb. NTV telekanalının verdiyi xəbərə görə, ölənlərin əksəriyyəti mülki şəxslərdir.

Türkiyə polisi terrorçuların yaxalanması üçün əməliyyat keçirir.

1news.az

9:31

Türkiyənin Diyarbəkir vilayətinin Çinar rayonunda baş verən terror aktı nəticəsində biri uşaq olmaqla 5 nəfər ölüb, 36 nəfər yaralanıb.

1news.az-ın APA-ya istinadən verdiyi məlumata görə, terrorçular polis bölməsinin yaxınlığında minalanmış avtomobili partladıb, daha sonra binanı qumbaraatanlardan atəşə tutublar. 

Bildirilir ki, terrorçular eyni anda üç müxtəlif yerə -  polis şöbəsi, jandarm idarəsi və polis əməkdaşlarının xidməti mənzillərinə hücum edib. Xəstəxanalara yerləşdirilən yaralılardan vəziyyəti ağır olanlar var.

Qeyd edək ki, hələlik hadisə ilə bağlı rəsmi məlumat verilməyib.

1news.az

Paylaş:
1150

Son xəbərlər

Bütün xəbərlər