20 Yanvar faciəsi ilə bağlı sosial şəbəkələrdə təbliğat kampaniyasına start verilib
20 Yanvar hadisələrinin 26-cı ildönümü ilə əlaqədar olaraq sosial şəbəkələrdə xüsusi aksiyaya start verilib.
1news.az-ın məlumatına görə, qətlə yetirilən günahsiz insanların əziz xatirəsinə ehtiram əlaməti olaraq UBM Group tərəfindən reallaşdırılan bu layihə korporativ sosial məsuliyyət proqramı çərçivəsində, tarixi həqiqətlərin dünyaya çatdırılmasına öz töhfəsini vermək məqsədilə həyata keçirilir.
Facebook, Twitter, Instagram və YouTube kimi sosial şəbəkələrdə “Remember victims of 20 January” (“20 Yanvar şəhidlərini unutma!”) adlı səhifə yaradaraq, fəal təbliğat kampaniyasına start verilib.
Bunun üçün şirkət tərəfindən xüsusi hazırlanmış posterlər, rəsm əsərləri və video kadrlar həmin səhifədə yerləşdirilib. Bu təbliğat metarialları 5 dildə - İngilis, Fransız, Alman, Rus və Azərbaycan dillərində hazırlanıb.
“Hər bir həmvətənimizi bu işdə fəal iştirak etməyə dəvət edirik. Gəlin tariximizi unutmayaq, undulmasına da imkan verməyək. Xalqımızın qan yaddaşına yazılmış 20 Yanvar hadisələrini daha yüksək səslə bütün dünyaya car çəkək.
Həm ölkəmizdə, həm də dünyanın hər bir regionunda yaşayan soydaşlarımızı bizim paylaşdığımız təbliğat materiallarından istifadə etməklə, sosial şəbəkələrdə, mediada və səsimizin duyulduğu hər bir ölkədə təbliğatı gücləndirməyə dəvət edirik”- deyə, UBM Group-dan bildiriblər.
Qeyd edək ki, UBM Group-un sözügedən layihəsi ilə aşağıdakı linklərdə tanış ola bilərsiniz:
https://www.facebook.com/Remember-victims-of-20-January-1674115446181140/
https://www.instagram.com/remember_victims_of_20_january/
https://twitter.com/20_January_
https://www.facebook.com/Remember-victims-of-20-January-1674115446181140/
https://www.youtube.com/channel/UCwKa3w-dYd9s3XTWn0TOO3w
Məlumat üçün bildirək ki, UBM Group Azərbaycanda olduğu kimi, onun sərhədlərindən kənarda da UBM Group layihələrin idarə edilməsi, kommunikasiya xidmətlərinin göstərilməsi, marketinq, dizayn, layihə menecmenti, imicin formalaşdırılması, tədbirlərin təşkili, media ilə iş, bütün növ reklamlar, merçendayzinq, veb-səhifələrin və sosial şəbəkələrin yaradılması, idarə edilməsi, monitorinqi və təhlili sahəsində uğurla fəaliyyət göstərir.
Ölkədə ən böyük imkanlar bazaya malik olmaqla, UBM Group qarşıya qoyulan tapşırığın qısa müddətdə və ən yüksək səviyyədə, optimal, dəqiq və səmərəli yerinə yetirilməsini təmin edir. Bakı 2015, Birinci Avropa Oyunlarının tərəfdaşı və bir sıra xidmətlərin göstərilməsində Oyunların ekslüziv təchizatçısı olan UBM Group haqqında daha ətraflı www.ubmg.az veb səhifəsindən əldə etmək olar.
1news.az
