Dövlət Gömrük Komitəsi KİV-i məsuliyyətli olmağa çağırdı

Bu gün bəzi kütləvi informasiya vasitələrində (KİV) “Gəncə Gömrük İdarəsinin rəisi qanunsuz əlvan metal biznesini himayə edir?” başlıqlı həqiqətə uyğun olmayan, böhtan xarakterli məlumatlar yer alıb.

Bu haqda 1news.az-a Dövlət Gömrük Komitəsindən bildirdilər ki, yayılan məlumatlar böhtan xarakterlidir və həqiqəti əks etdirmir.

Komitədən qeyd etdilər ki, “Camaloglu LTD” şirkəti ixrac əməliyyatlarını gömrük qanunvericiliyinə uyğun olaraq həyata keçirir və adları hallanan gömrük əməkdaşlarının guya qeyri-qanuni ixrac əməliyyatlarında iştirakı faktı da tam məqsədli şəkildə bu şər və böhtan xarakterli məlumatlarda qeyd olunur.

Dövlət Gömrük Komitəsi yenidən bütün media qurumlarını və onların əməkdaşlarını ölkə qanunlarına hörmət etməyə çağırır.

“Yalan və böhtan xarakterli məlumat yayanlar bilməlidir ki, yaydıqları həqiqətə uyğun olmayan məlumata görə qanun qarşısında cavab verəcəklər”, - komitədə qeyd etdilər.

1news.az