"Fitch Ratings": Azərbaycan hökuməti manatın devalvasiyasının qarşısını almaq üçün müvafiq tədbirlər görür
"Fitch Ratings" Beynəlxalq reytinq agentliyi builki hesabatında Azərbaycan hökumətinin manatın devalvasiyasının qarşısını almaq üçün müvafiq tədbirlər gördüyünü qeyd edir.
AZƏRTAC-ın məlumatına görə "Fitch Ratings"in hesabatında bildirilir ki, müvafiq qurumlar manatın dəyərdən düşməməsi üçün ölkədən çıxarılan xarici valyutalara 20 faiz vergi tətbiq edib. Bu istiqamətdə Azərbaycan Respublikası Dövlət Neft Fondunun sosial sabitliyin təmini, eləcə də qiymətlərin saxlanması üçün atdığı addımlar və çağırışlar xüsusi qeyd olunmalıdır.
Bu addımlar manatı qoruyaraq Azərbaycanın kredit sahəsində olan təzyiqlərin aradan qaldırılmasına yönəlib. Bu Fond gələcək nəsillər üçün hesablanıb. Pensiyalar, gəlirlər eləcə də ictimai sektorda maaşlar artırılıb, çörəyə, una qoyulan əlavə dəyər vergisi aradan qaldırılıb.
Azərbaycanın maliyyə naziri Samir Şərifov qeyd edib ki, 2016-cı il üçün ölkənin büdcəsinə yenidən baxılacaq və neftin baza qiyməti 30 dollardan hesablanacaq. 2016-cı il üçün qəbul olunmuş büdcədə isə neftin baza qiyməti 50 dollardan hesablanmışdı.
