Ədliyyə naziri Qobustanda vətəndaşlarla görüşəcək
Ədliyyə naziri Fikrət Məmmədov yanvarın 28-də Qobustan rayonunda vətəndaşlarla görüşəcək.
Bu haqda 1news.az-a Ədliyyə Nazirliyinin mətbuat xidmətindən məlumat verilib.
Məlumatda bildirilir ki, qəbulda Qobustan, Şamaxı və Ağsu rayonlarında yaşayan vətəndaşların ədliyyə və məhkəmə fəaliyyəti ilə bağlı müraciətlərə baxılacaq. Qəbul saat 11:00-da Qobustan İdman Kompleksində (ünvan: Heydər Əliyev prospekti, 5) keçiriləcək.
Eyni zamanda, vətəndaşlar qəbula Sumqayıt regional ədliyyə şöbəsi (ünvan: Sumqayıt şəhəri, 18-ci məhəllə, bina 4/12, əlaqə telefonu: (01865) 5-57-45, (01865) 5-18-42), habelə Ədliyyə Nazirliyinin 510-10-01 (əlavə 2104), 055-925-37-41 nömrəli telefonları və [email protected] elektron poçt ünvanı vasitəsilə, eləcə də Qobustan İdman Kompleksində yazıla bilərlər.
Bundan əlavə, vətəndaşların rahatlığı üçün ədliyyə nazirinin həmin gün keçiriləcək qəbuluna elektron qaydada birbaşa yazılmaq imkanı yaradılıb. Bu məqsədlə Ədliyyə Nazirliyinin elektron xidmətlər portalına (www.exidmet.justice.gov.az) müraciət etmək lazımdır.
1news.az
