Bakıda istirahət kompleksində yanğın olub

Bakıda yerləşən məşhur istirahət mərkəzlərinin birində yanğın olub.

1news.az-ın Fövqəladə Hallar Nazirliyinə istinadən verdiyi xəbərə görə, Binəqədi rayonunda “Delfin” MMC-yə məxsus ərazidə ümumi sahəsi 97 kv.m olan taxta konstruksiyadan ibarət kottecin içərisində yerləşən saunanın tavanı 2 kv.m sahədə yanıb.

Kottecin qalan hissəsi yanğından mühafizə olunub. Yanğın saat 23:20-də yanğınsöndürənlər tərəfindən söndürülüb.

1news.az