Bakı Olimpiya Stadionu “İlin ən yaxşı arenası” mükafatına layiq görülə bilər - FOTO
Bakı Olimpiya Stadionu 2015-ci ilin ən yaxşı arenası mükafatınanamizəd olub.
1news.az-ın verdiyi xəbərə görə, stadionun adıötən il istifadəyə verilən ən yaxşı 22 stadion arasında yer alıb.
Sorğu həm ictimaiyyət, həm də münsiflər arasında keçiriləcək. İlk Avropa Oyunlarına ev sahibliyi edən Bakı Olimpiya Stadionu dünya səviyyəli idman qurğuları sırasında göstərilir.
Ümumilikdə, 15 ölkədən 22 stadion ilin ən yaxşı stadionu olmaq uğrunda mübarizə aparır. Namizəd stadionların ən yaxşı seçilmələri üçün iki şansı var. Bunlardan biri yanvarın 18-də başlanacaq və fevralın 19-na qədər davam edəcək xalq səsverməsidir.
Sorğuda səs vermək üçün aşağıdakı linkə daxil olmaq lazımdır:
http://stadiumdb.com/competitions/stadium_of_the_year_2015
Göstərilən müddətdə 5 ən yaxşı stadionun seçiləcəyi səsvermədə hər kəs iştirak edə bilər. Hər bir kompüter və mobil telefondan yalnız bir səs qeydə alınacaq. Artıq 7500 nəfər səsvermədə iştirak edib.
Ən yaxşı stadion seçilməyin digər yolu isə münsiflərin rəyini qazanmaq olacaq. Münsiflər 5 ən məşhur stadionun memarlarından ibarətdir. Bunlar: Sezar Azkarate, Kris Dayt, Endru Edc, Dipeş Patel və Joze Ribasdır.
Qeyd edək ki, hər iki səsvermənin qalibləri fevralın 22-də açıqlanacaq.
1news.az
