Qarlı hava şəraiti Yaponiyada nəqliyyatın hərəkətində problemlər yaradıb

Yaponiyada soyuq hava ölkənin bir çox yerlərində yerüstü və hava nəqliyyatının hərəkətində ciddi problemlər yaradıb.

Yaponiya Meteorologiya Agentliyinin məlumatına görə, Fukuşima prefekturasının Tadami şəhərinə 160 santimetr, Hiroşima prefekturasının Yavata şəhərinə isə 140 santimetr qalınlığında qar yağıb.

Yaponiyanın qərbində qar yalnız dağlıq ərazilərə deyil, eyni zamanda, adətən az yağıntının düşdüyü düzənlik ərazilərə də yağıb.

Aviaşirkətlərin verdiyi məlumata əsasən, bir gün əvvəl 500, bu gün səhər isə 100-dən artıq daxili reys təxirə salınıb.

AZƏRTAC