FHN: “Azərbaycanda partlayışlar və yanğınların sayı artıb”

Fövqəladə Hallar Nazirliyi  (FHN) 2015-ci il ərzində baş verən fövqəladə halların statistikasını açıqlayıb.

1news.az nazirliyin mətbuat xidmətinə istinadən xəbər verir ki, ötən il ərzində ölkədə 47 partlayış hadisəsi qeydə alınıb. Bunun nəticəsində 13 nəfər həlak olub, 66 nəfər yaralanıb.

2014-cü illə müqayisədə partlayışların sayı  31 faiz ( 11 hadisə) artıb.

13 492 yanğın hadisəsi qeydə alınıb ki, nəticədə 64 nəfər həlak olub, 170 nəfər travma alıb.

2014-cü illə müqayisədə ölənlərin sayı 5 nəfər ( 8 faiz),  zərərçəkənlərin sayı isə 71 nəfər ( 72 faiz) artıb.

1989 yanğın hadisəsi yüksəkmərtəbəli binalarada, 8805-i açıq məkanda, 381-i avtonəqliyyat vasitələrində, 6-sı meşədə, 2311- i başqa yerlərdə baş verib.

2015-ci ildə 13658 təbii, texnogen və fövqəladə hadisə baş verib. Bu 2014-cü ildə baş verənlərdən 21 faiz çoxdur.

Nəticədə 77 nəfər həlak olub, 237 nəfər müxtəlif növ xəsarət alıb, 208 nəfər xilas olunub, 802 nəfər təxliyyə olunub.

1news.az