Formula-1 yarışının könüllülər mərkəzinin açılışı oldu- FOTO
Baku City Circuit (BCC)-nin əməliyyat şirkətinin məlumatına görə, Formula-1 yarışları üzrə Avropa Qran-Prisinin Könüllülər Mərkəzi açılıb. Bura könüllülər proqramı iştirakçıları üçün yarış müddətində ev olacaq.
Sportbox.az Synergy Partnership-ə istinadən xəbər verir ki, ilkin seçimlərdən keçən namizədlər 2016-cı ilin ən mühüm idman hadisəsində iştirak etmək üçün gələcək seminar hazırlıqlarına dəvət olunacaq.
BCC könüllüləri 1 iyun 2016-cı il Formula-1 üzrə Avropa Qran-prisinə qoşulmaqla Azərbaycan tarixində iz qoymağa çağırıb.
Baku City Circuit enerjili,yoldaşlıq atmosferi yarada biləcək insanları 17-19 iyun 2016-cı ildə keçiriləcək yarışda könüllülük proqramına dəvət edir. Könüllük proqramına yarışların başlanmasından 6 ay əvvəl start verilib. Proqramda iştirakın təsdiqi onlayn formada www.bakucitycircuit.com/volunteers saytında qeydiyyatdan keçməklə mümkündür.
Könüllülər Mərkəzinin açılışında iştirak edən Gənclər və İdman naziri Azad Rəhimov bildirib: “Azərbaycan tarixində ilk dəfə keçirilən Formula-1 yarışında köllü kimi iştirak etmək qlobal avtodünya tədbirinin bir parçası olmağa imkan verir. Könüllük proqramı gənclərə imkan verir ki, öz ölkələrinin idman tarixinə öz töhfəsini versin”.
SIAR –nın keçirdiyi sorğu nəticəsində məlum olub ki, könüllülər iti miqyaslı idman tədbirinin keçirilməsində mühüm rol oynayacaq. Bu da öz növbəsində ölkəmizin dünya arenasındakı mövqeyinə təsir edə bilər. Bundan əlaqvə Bakı sakinlərinin yarısı (onların əksəriyyətini 34 yaşa qədər insanlar təşkil edir) 2016 Avropa Qran Prisində könüllü olmaq istərdi.
Könüllülər Mərkəzi gün ərzində minlərlə müsahibə keçirməklə yayda Azərbaycanda keçiriləcək Formula-1 yarışına 5000 könüllü cəlb etmək niyyətindədir. Hal-hazırda 7000-ə yaxın insan proqramda iştirak üçün müraciıət edib.
Könüllülər Formula-1 yarışı üzrə Avropa Qran-Prisinin bütün sferalarında, o cümlədən qonaqların və yüksək vəzifəli şəxslərin qarşılanması, tamaşaçı və KİV nümayəndələrinə kömək göstərilməsi və s. sahələrə cəlb olunacaq.
Sportbox.az
