Dominikanda Rusiyaya məxsus təyyarə təcili eniş edib

Dominikandan Moskvanın Domodedova aeroportuna uçan Rusiyaya məxsus “Boeing777-200” təyyarəsi havaya qalxdıqdan bir neçə dəqiqə sonra təcili eniş edib.

1news.az-ın “РИА Новости” agentliyinə istinadən verdiyi xəbərə görə, buna təyyarədə baş verən texniki nasazlıq səbəb olub.

Enmə zamanı təyyarənin ön hissəsi alışıb. Xəsarət alanların olmadığı bildirilir. Sərnişinlərin hamısı təxliyyə olunub.

Qeyd edək ki, “Orenair” aviaşirkətinə məxsus “Boeing 777-200” təyyarəsinin göyərtəsində 351 sərnişin, 20 ekipaj üzvü olub.

1news.az