Türkiyədə qəzet redaksiyasına hücum olub

İstanbulun Bayrampaşa səmtində yerləşən“Yeni Şafak” qəzetinin ofisinə silahlı hücum olub.

Bu barədə 1news.az Yeni Şafak nəşrinə istinadla məlumat verir.

Rəsmi məlumata görə, üzləri maskalı olan 4 nəfər əvvəlcə binaya “molotov kokteyli” atıb, daha sonra isə redaksiyanı atəşə tutublar. Hücum nəticəsində binada baş verən yanğın mühafizəçilər tərəfindən söndürülüb. Redaksiyaya hücum edən şəxslər isə hadisə yerindən qaçıblar.

Hadisə zamanı ölən və yaralanan barədə məlumat qeyd olunmayıb.

Hazırda İstanbul polisi hadisə ilə bağlı araşdırma aparır.

1news.az