Nazirlər Kabineti Azərbaycan ərazisində tranzit yükdaşımalara güzəştli tariflərin tətbiqi qaydalarını nəzərdən keçirir
Tranzit Yükdaşımalar üzrə Koordinasiya Şurası Nazirlər Kabinetinə tariflərin müəyyənləşdirilməsi qaydaları, həmçinin, Azərbaycan ərazisindən tranzit yükdaşımaya güzəştli tariflərin tətbiqi qaydalarını hazırlayaraq təqdim edib.
1news.az-ın məlumatına görə, bu haqda iqtisadiyyat nazirinin müavini Sahil Babayev bildirib. Onu sözlərinə görə, hal-hazırda sənəd müzakirə mərhələsindədir. ”Yaxın vaxtlarda sənədin təsdiq olunacağı gözlənilir”,- S.Babayev bildirib.
Nazir müavini qeyd edib ki, yükdaşımaya vahid və şəffaf tariflərin müəyyən edilməsi biznes mühitin yaxşılaşmasına, Azərbaycan iqtisadiyyatına yatırımların artmasına kömək edəcək.
Məhsul istehsalı, İdxal-ixrac əməliyyatları, həm də yükdaşımalarla məşğul olan hər bir iş adamı Azərbaycan ərazisindən yüklərin daşınmasınınvahid tarifini biləcək. Buna uyğun olaraq, o, gələcək gəlirləri və xərclərini hesablaya həm də onların dəyişməyəcəyinə əmin ola biləcək.
"Bu əcnəbi iş adamlarına da aiddir”,- o, deyib.
Nazir müavini vurğulayıb ki, cəlbedici və rəqabətə davamlı tariflər yükdaşımaların həcmini artırmaqla yanaşı Azərbaycanın tranzit potensialının reallaşdırılmasına imkan yaradacaq.
Xatırladaq ki, 21 oktyabr 2015-ci il tarixində Azərbaycan Prezidenti İlham Əliyev “Tranzit yükdaşımalar üzrə Koordinasiya şurasınmın yaradılması haqqında” sərəncam imzalayıb.
Bu struktur dəmir yolu, dəniz nəqliyyatı, Dəniz portları və dəniz terminalla ilə tranzit yük daşımaları sahəsində vahid, sürətli və şəffaf tarif siyasətinin həyata keçirilməsi, sərhədlərin keçilməsi və daşınma prosedurunun asanlaşdırılması, həmçinin bu sahəyə aid olan dövlət qurumlarının fəaliyyətinin koordinasiyası üçün yaradılıb.
Bundan başqa dövlət başçısı Tranzit Yükdaşımalar üzrə Koordinasiya Şurasının tərkibini təsdiq edib. Şuranın sədri iqtisadiyyt naziri Şahin Mustafayev təyin olunub.
1news.az
