Rəhman Hacıyev 1news.az-ın xüsusi layihəsi haqqında: Nə üçün Bakıya “Formula-1” qran-pri yarışı lazımdır?
Bir çoxlarını Bakıda “Formula-1” yarışları ilə nə edək sualı narahat edir. Açığını deyim ki, məni də həmçinin...
Ötən il Əbu-Dabidə “Yas Marina Circuit”-də təşkil olunmuş sezonun son “Formula-1”qran-pri yarışına gedə bildim.
Demək istərdim ki, baxmayaraq dəfələrlə Birləşmiş Ərəb Əmirliklərində olmuşdum, lakin Əbu-Dabi yarış keçirilən zaman məni heyran etdi. Daha dəqiq, məni Yas adası heyran etdi. Burada təqvimin ən “gənc” qran-pri yarışı keçirilirdi.
Həmçinin məni təşkilatçılıq, iri miqyas və ... turistlərin sayı heyran etdi.
Bakıya qayıdarkən bu haqda məqalə yazacağıma dair özümə söz verdim. Lakin məqalə ilə əlaqədar məlumat toplayarkən təqvimdə “gənc” qran-priyə aid daha bir informasiya ilə rastlaşdım və bu haqda ilk növbədə yazmaq qərarına gəldim.
Bu, Sinqapur qran-prisidir. Yarışı həyata keçirməklə bu kiçik ada-dövlət 10 il müddətinə 1 milyard dollara yaxın mənfəət əldə etməyi planlaşdırır.
Beləliklə, Bakı yarışın həyata keçirilməsilə bağlı yaxın 5 il müddətinə razılaşıb.
Bu, bizə lazımdır ya yox, əlbəttə ki – bu məsələ geniş müzakirə olunmalıdır.
Ola bilsin ki, hazırda (iqtisadi sarsıntıları nəzərə alaraq) bu qərar o qədər də aydın görünmür. Lakin bu qərar artıq qəbul edilib. Və bundan maksimal dərəcədə fayda əldə etməyi anlamaq lazımdır, əlbətə ki, əgər bu, mümkündürsə.
Və burada mənə elə gəlir ki, “Formula-1” yarışının turizm sahəsində yaradacağı potensial impulsu hamımız axıradək dərk edə bilmirik. Buna görə də mən, bu mövzuda kiçik də olsa xüsusi layihə hazırlamağı qərara almışam.
Həmin Sinqapur uğura və az olmayan maliyyə gəlirinə necə nail olub? Sirr nədədir?
Mən bu suallara təqdimatda cavab tapmağa çalışdım ki, məlumatı bu linkdən tapa bilərsiniz.
İmkan daxilində sizi maraqlandıran sualları cavablandırmaqda çox şad olaram (mövzunu buradan müzakirə etmək olar).
Və nəhayət. Bu, “Formual-1” yarışına həsr olunmuş nəşrlərdən birincisidir.
Stay tuned…
Rəhman Hacıyev
1news.az-ın Baş redaktoru
Təqdimata daxil olmaq üçün aşağıdakı fotonu klik edin.
