“AAGRO” şirkətinin yeni saytınının təqdimatı keçirildi - FOTO

Martın 17-də Park İnn Hotelində “AAGRO” şirkətinin yeni saytının və loqotipinin təqdimatı baş tutdu.

Təsisçisi Xəzər Beynəlxalq İnvestisiya Şirkəti olan “AAGRO” şirkəti fəaliyyətə 2010-cu ildə başlayıb. Azərbaycanda və Qafqazda kənd təsərrüfatı məhsullarının, əsasən də kahı növlərinin istehsalı, emalı – yəni təmizlənməsi, doğranması, rəndələnməsi, qablaşdırılması və satışında lider olan şirkət, Abşeronda və Azərbaycanın müxtəlif bölgələrində iri torpaq sahələrinə malikdir. Qida təhlükəsizliyi sahəsində yerli və beynəlxalq sertifikatları olan “AAGRO” (İSO 22000:2005 və FSSC 22000) Bakı şəhərində qida sahəsində fəaliyyət göstərən fast food, restoran və hotellərin etibarlı tərəfdaşıdır.

Şirkətin yenilənmiş loqotipi və saytı müştərilərin istifadəsinə təqdim olunub. Təqdimatda “AAGRO”-nun müştəriləri, yerli və beynəlxalq səviyyədə tanınan brendlərin – McDonalds, KFC, Papa Johns, Hilton, Marriot, Fairmont hotellərin nümayəndələri iştirak ediblər. 

Şirkətin yeni saytı aagro.az – müştərilərinə Azərbaycanda ilk dəfə olaraq meyvə-tərəvəz məhsullarının online sifarişi, sifarişlərin arxivləşdirilərək statistikaların aparılması, “tədbir üçün özəl” satışların təşkil olunması imkanını yaradır. “AAGRO”-nun təqdim etdiyi məhsullar qida və xidmət sahəsində yüksək standartlarla fəaliyyət göstərən şirkətlərin istehsalat işlərini asanlaşdırır, xərclərinin aşağı düşməsinə təsir edir və ən əsası – qida təhlükəsizliyi standartları və normativlərinə uyğun fəaliyyətinə dəstək olur.

Saytın özəlliklərindən biri də, Korporativ Sosial Məsuliyyət siyasətinə diqqət yetirən şirkətlər üçün unikal imkanın təqdim olunmasıdır. Saytda “1 Qutu Hədiyyə Et!” bolməsində “AAGRO”-nun müştəriləri Abşeron rayonu ərazisindəki uşaq evlərinə meyvə və tərəvəzlərin ianə olunmasını təşkil edə bilərlər. Sifarişləri ilə bərabər, 1 qutu hədiyyə də seçərək, şirkətlər həm özlərinin CSR siyasətini, həm də uşaqlarımızın – gələcəyimizin sağlam inkişafına dəstəklərini vermiş olurlar.

“AAGRO” şirkəti artıq biznes əlaqələri qurduğu müştəriləri ilə yanaşı, yeni partnyorlar ilə də iş birliyi qurmağa və gələcək müştərilərinə özəl və keyfiyyətli məhsulların çatdırılmasını təşkil etməyə hazırdır.  

www.aagro.az

Tel: (+994 12) 310-84-44