Pakistan polisi partlayış törətmiş terrorçunun şəxsiyyətini müəyyənləşdirib

Pakistan polisi Laxorda partlayış törədən terrorçunun şəxsiyyətini müəyyənləşdirib.

1news.az-ın AZƏRTAC-a istinadla verdiyi xəbərə görə, bu haqda məlumatı Pakistan mətbuatı yayıb.

Məlumatda deyilir ki, bu, Yusuf adında 28 yaşlı terrorçudur. Pəncab əyalətinin Muzaffarqarx şəhərində yaşayıb. Pəncabda dini təhsil aldıqdan sonra səkkiz il Laxorda dini məktəbdə müəllim işləyib.

Polis bu terror aktında şübhəli bilinən 15 nəfəri, o cümlədən Yusufun qardaşlarını saxlayıb, istintaq aparılır.

Xatırladaq ki, dünən baş verən partlayış nəticəsində 72 nəfər həlak olub, 300-dən çox insan yaralanıb. Həlak olanların 23-ü uşaqdır.

1news.az