Rusiya KİV-i: “Rusiyalı turistlərin Azərbaycana tur rezervasiyalarının sayı 50 faiz artıb”
Rusiyada turistlərin Cənubi Qafqaz ölkələrinə, o cümlədən Azərbaycana səfər etməyə marağında artım qeydə alınıb.
1news.az "Kommersant" qəzetinə istinadən xəbər verir ki, "Delfin" tur agentliyinin baş direktoru Sergey Romaşkin hətta Cənubi Qafqaz ölkələrinə - Azərbaycan, Gürcüstan və Ermənistana turların rezervasiya sayında 50%-lik artım olduğunun qeyd edib.
MDB ölkələrinin populyarlığının artmasını "İnturist" Milli Turizm Şirkətinin satış direktoru Sergey Tolçin də qeyd edib. O, Azərbaycan turlarına olan tələbatın üç dəfə artdığını diqqətə çatdırıb.
Cənubi Qafqaz ölkələrinə səyahətə olan tələbatın artımı müstəqil bronlaşdırma bazarında da qeydə alınıb.
"Biz, həmçinin Bakı və Tbilisiyə artan marağa şahidlik edirik. Yanvardan aprelə qədər olan 3 aylıq müddətdə bu istiqamətlərdə satılan biletlərin sayı ötənilkiylə müqayisədə 3 dəfə artıqdır", - deyə "DaTravel.com"un baş direktoru Vladislav Şevtsov deyib.
1news.az
