Keşiş kilsəyə verilən 500 min dolları qumarda uduzdu
Qumarbaz “rahib ata” bu həvəsinin cəzasını ağır ödədi.
1news.az-ın Anadolu agentliyinə istinadən verdiyi xəbərə görə, Kanadanın London şəhərindəkı bir kilsədə qaçqınlar üçün toplanan 500 min Kanada dollarını qumarda uduzan keşiş işdən qovulub.
Məlumata görə, Ontario vilayətində yerləşən London şəhərindəki Keldani kilsəsinin keşişi Amir Saka barəsində ruhani rəhbərliyin göstərişi ilə təhqiqat aparılıb.
Qumarda 500 min Kanada dollarını uduzduğu dəqiqləşən A.Saka table olduğu yepiskop Emanuel Şaleta tərəfindən işdən çıxarılıb. Təhqiqat tam yekunlaşdıqdan sonra isə qumarbaz keşiş məhkəmədə cavab verməli olacaq.
Bildirilir ki, keşişin uduzduğu pullar İraqdaki bəzı Keldani təriqətinə mənsub insanların Kanadaya gətirilmələri üçün keçirilən yardım kampaniyasında toplanıbmış.
1news.az
