Əfqanıstanda ABŞ təyyarəsi qəzaya uğrayıb

Amerika Hərbi Hava Qüvvələrinə məxsus F-16 qırıcı təyyarəsi çərşənbə axşamı Əfqanıstandakı Bakaram aviabazasından havaya qalxarkən qəzaya uğrayıb, bu barədə Pentaqonun mətbuat katibi Piter Kuk məlumat verib.

"Təyyarə bu gün axşam Bakaram aerodromunda havaya qalxan zamanı qəzaya uğrayıb. Pilot uğurla katapult ola bilib və koalisiya qüvvələri tərəfindən götürülüb", — deyə Kuk brifinqdə qeyd edib.

Onun sözlərinə görə, hadisənin səbəbləri araşdırılır.

RİA Novosti