Türkiyə Dağıstana aviareyslərə başlayır
Türkiyənin "AtlasGlobal" aviaşirkəti İstanbuldan Mahaçqalaya (Dağıstan, Rusiya) birbaşa aviareys açacaq.
1news.az-ın Report-a istinadən verdiyi məlumata görə, uçuşlara aprelin 29-dan etibarən başlanılması nəzərdə tutulub.
"Biz artıq "AtlasGlobal" aviaşirkəti ilə Türkiyəyə uçuşların yerinə yetirilməsini razılaşdırmışıq. Uçuşlar aprelin 29-dan etibarən İstanbulun Atatürk hava limanına reallaşdırılacaq, biletlər satış üçün artıq açıqdır", - deyə Mahaçqala hava limanının direktoru Arsen Pirmaqomedov bildirib.
Onun sözlərinə görə, bu istiqamət üzrə tələbat çox böyük olacaq və reyslər həftədə üç dəfə yerinə yetiriləcək.
Mahaçqala hava limanı yaxın vaxtlarda Azərbaycan, BƏƏ, Simferepol və Kazan şəhərinə də aviareyslər açmağı planlaşdırır.
1news.az
