Sarkisyan ATƏT-ə üzv ölkələrin səfirləri ilə təcili görüşdə: Azərbaycanı inandırın ki, hərbi əməliyyatları dayandırsın
Hərbi əməliyyatların genişləndirilməsi nəticəsində Ermənistan separatçı Dağlıq Qarabağın müstəqilliyini tanıyacağı ilə təhdid edib, bu haqda Ermənistan prezidenti Serj Sarkisyan İrəvanda ATƏT-ə üzv ölkələrin səfirləri ilə görüş zamanı bəyan edib.
“Ermənistan Respublikası 1994-cü ildə imzalanmış atəşkəs haqda qərarın tərəfdarı kimi Dağlıq Qarabağın (separatçıların – nümunə 1news.az) təhlükəsizliyin təmin edilməsi məqsədilə öz vəzifəsini tamlıqla yerinə yetirməyə davam edəcək.
Bununla yanaşı mən, XİN-ə Qarabağlı hərbi qarşılıqlı anlaşma haqda müqavilə bağlanmasını tapşırmışam. Burada vurğulamaq istərdim ki, əgər hərbi əməliyyatlar iri miqyas alarsa Ermənistan Dağlıq Qarabağ Respublikasının müstəqilliyini tanıyacaq”, - Sarkisyanın sözlərini onun mətbuat xidməti sitat gətirir.
Sarkisyan qeyd edib ki, hərbi əməliyyatların davam etdirilməsi gözlənilməz və sarsılamaz nəticələrə, hətta irimiqyaslı müharibələrə gətirib çıxara bilər:
“Bu, təbii olaraq nəinki Qafqazın, həmçinin Avropa regionunun təhlükəsizlik və sabitliyinə də təsir göstərə bilər”.
Onun fikrincə, aydındır ki, hərbi əməliyytaların dayandırılması və problemin sülh yolu ilə həlli eyni zamanda Avropa ölkələrinin marağındadır:
“ATƏT Avropanın təhlükəsizliyinin təminatında aparıcı rol oynayan qurum kimi bu məsələdə də xüsusi rol oynayır”, - Sarkisyan deyərək, Avropa ölkələrini Azərbaycana təsir etməyə çağırıb.
Xatırladaq ki, Sarkisyan bəyan edib ki, İrəvan hərbi əməliyyatları dayandırmağa hazırdır. Rəsmi Bakı buna cavab olaraq bildirib ki, bu məsələ ilə əlaqədar hələ aprelin 3-də çıxış etsə də, lakin Ermənistan bu qərara məhəl qoymadı və Azərbaycan Silahlı Qüvvələrinin mövqelərinə, həmçinin ön cəbhədə yaşayan dinc sakinləridə atəşə tutub.
“Azərbaycan Respublikası atəşkəsə hazırdır. Lakin, Ermənistan qoşunları BMT Təhlükəsizlik Şurasının müvafiq qətnamələrinə uyğun olaraq, bütün işğal edilmiş Azərbaycan ərazilərindən çıxarılmalıvə Azərbaycan Respublikasının beynəlxalq səviyyədə tanınmış sərhədləri daxilində ərazi bütövlüyü və suverenliyi təmin olunmalıdır.
Azərbaycan dəfələrlə bəyan edib ki, atəşkəsin pozulması və gərginliyin yaranmasının əsas səbəbi Ermənistan qoşunlarının işğal edilmiş Azərbaycan ərazilərində mövcudluğudur”- deyə, Azərbaycan Xarici İşlər Nazirliyinin mətbuat xidmətinin rəhbəriH.Hacıyev Ermənistanın təklifinə cavab olaraq qeyd edib.
1news.az
