İstanbulda genişmiqyaslı antiterror əməliyyatları keçirilib

Aprelin 11-də Türkiyənin təhlükəsizlik qüvvələri İstanbulun Sultanqazi rayonunda genişmiqyaslı antiterror əməliyyatları keçirib.

1news.az-ın Türkiyə KİV-inə istinadla verdiyi xəbərə görə, sübh tezdən başlayan əməliyyatlar İstanbulun Terrorizmlə Mübarizə Təşkilatı tərəfindən həyata keçirilib.

Hüquq-mühafizə orqanları Esentəpə, Qazi, 75-ci il və digər rayonların iri məhəllələrində axtarışlar edib.

Nəticədə İstanbulun Terrorizmlə Mübarizə Təşkilatının şöbələrinə bir neçə şübhəli  şəxs gətirilib ki, onların şəxsiyyətləri hələlik müəyyənləşdirilməyib.

1news.az