Ərdoğandan İlham Əliyevin ünvanına növbəti qardaşlıq jesti – FOTO

Azərbaycan prezidentinin mart ayında, iki qardaş xalqın dövlət başçıları arasında dostluq jesti ilə tarixə keçən Türkiyəyə səfərindən sonra Rəcəb Tayiib Ərdoğan növbəti dəfə İlham Əliyevin səfəri zamanı xüsusi münasibət nümayiş etdirib.

1news.az  Türkiyə KİV-nə istinadən xəbər verir ki, bu günlərdə  İslan Əməkdaşlığı təşkilatı (İƏT)-nin İstanbul Sammitində iştirak edən qonaqların şərəfinə verilən yeməyə Türkiyə dövlət başçısı Azərbaycan prezidentinin müşayiəti ilə gəlib.

Təşkilatın baş katibi İyad bin Amin Madani, İƏT-yə üzn ölkələrin dövlət və hökumət başçılarının iştirakı ilə keçirilən rəsmi şam yeməyi Türkiyə prezidenti tərəfindən “Savarona”gəmisində verilib.

Müşahidəçilər bunu növbəti dəfə azərbaycan-türkiyə dostluğunun möhkəmliyi ilə əlaqədar dünya ictimaiyətinə mesaj kimi dəyərləndirib. Bu mənada bir ay öncə baş verən hadisələrə qayıtsaq, Türkiyənin paytaxtında qanlı terror hadisələrinin baş verdiyi zaman Ərdoğan 2 dəfə Bakıya gəlməyi planlaşdırsa da mümkün olmadı. O zaman Azərbaycan prezidenti İlham Əliyev misilsiz qərar qəbul edərək Azərbaycan və Türkiyə arasında  Yüksək Səviyyəli Strateji Əməkdaşlığın V toplantısını Bakıdan Ankaraya köçürülməsi təklifini irəli sürdü.

Azərbaycan liderinin ifadəsi: “Əgər siz Bakıya gələ bilmirsinizsə, mən Ankaraya gələrəm” türk mediyasında geniş əks səda doğurda, hər iki dövlət başçısının bəyanatları iki ölkədə də politoloqların çoxsaylı analitik təhlillərinə rəvac verdi.

Cavab addım olaraq Türkiyə dövlət başçısı Ərdoğan protokol qaydalarını pozaraq İlham Əliyevi təyyarə lgöyərtəsinə qədər yola salıb, prezidentlər çay süfrəsində söhbət edib və Azərbaycan Prezidentinin təyyarəsi hava qalxmayınca Ankaranın Əsənboğa hava limanından ayrılmayıb.

Bütün bunlar həm Azərbaycan, həm də Türkiyə ekspertləri tərəfindən iki xalq arasında həqiqi dostluğun və dövlət liderlərinin “ İki dövlət –bir millət” prinsipinə bağlılı kimi qiymətləndirilib.

Mövzu ilə əlaqədar oxuyun:

Türkiyə prezidentinin cavab jesti: Ərdoğan İlham Əliyevi necə yola saldı – VİDEO – FOTO   

1news.az