Lavrov Ermənistanda Qarabağ münaqişəsinin həlli ilə bağlı RF-nin işlərini təklif edəcək
RF XİN rəhbəri Lavrov 21-22 aprel tarixlərində İrəvana səfəri zamanı Dağlıq Qarabağ münaqişəsinin həlli ilə bağlı müəyyən işləri təklif edəcək.
1news.az RİA Novostiyə istinadən xəbər verir ki, bunu RF XİN –in rəsmi nümayəndəsi Mariya Zaxarova bəyan edib.
“Sergey Lavrov heç vaxt, heç yerə əliboş getmir”, -deyə o, brifinq zamanı KİV-də RF XİN rəhbərinin İrəvana Qarabağ münaqişəsinin həlli haqqında planla getməsi məsələsinə açıqlamada bildirib.
“İndi Phər hansı, plan, proqram, layihə, sənəd haqqında danışmaq doğru deyil. Söhbət müəyyən işlərdən, münaqişənin həlli istiqamətində müxtəlif ideyaların müzakirəsindən gedir. Vasitəçilik rolu da bundan ibarətdir. Bizim vasitəçi rolumuz ondan ibarətdir ki, tərəflərlə danışıqlar aparır, mümkün həll varianlarını müzakirə edir, onların qayğıları, narahatlığını öyrənir, həlli yollarını təklif edirik”,- deyə Zaxarova bildirib.
1news.az
