Ankara yenidən xəbərdarlıq edir: “Ermənistanın Azərbaycan torpaqlarını işğalda saxlaması qəbuledilməzdir”
“Ermənistanın Azərbaycan torpaqlarını işğalda saxlaması qəbuledilməzdir”.
1news.az-ın Türkiyə KİV-nə istinadən verdiyi xəbərə görə, bu sözləri Türkiyənin xarici işlər naziri Mövlud Çavuşoğlu “Beynəlxalq gənc diplomatlar təhsil proqramı” çərçivəsində gənc diplomatlara görüşündə deyib. “Dağlıq Qarabağda atəşkəsin pozulmasına şahid olduq. Təəssüf ki, Ermənistan atəşkəsi pozdu. Ermənistanın Azərbaycan torpaqlarını işğal altında saxlaması qəbul edilə bilməz”, - deyə o, söyləyib.
NATO baş katibi Yens Stoltenberqin Ankaraya səfərinə toxunan xarici işlər naziri qeyd edib ki, tərəflər İŞİD, PKK, “Əl-Nursa” kimi terror təşkilatları ilə mübarizədə birgə səyləri artırmaq haqqında razılığa gəlib.O, Suriya böhranının həllində Ankaranın Cenevrəni dəstəklədiyini yazıb.
“Ksenofobiya, diskriminasiya, antisemitizm, islamafobiya- bütün bunlar ümumi insani dəyərləri təhdid edən çağırışlardır. Təəssüf ki, belə təhdid elementləri ABŞ-da prezidentliyə namizəd olan bəzi şəxslərin çıxışında səslənir”,- deyə Çavuşoğlu qeyd edib.
1news.az
