41200 ədəd siqaretin ölkə ərazisinə keçirilməsinin qarşısı alınıb – FOTO

Xaçmaz Gömrük İdarəsinin əməkdaşları 2 fakt üzrə 41200 ədəd siqaretin qaçaqmalçılıq yolu ilə ölkə ərazisinə keçirilməsinin qarşısını alıb.

1news.az-ın məlumatına görə, İdarənin  Gömrük sahəsində hüquqpozmalara qarşı mübarizə şöbəsinə daxil olan əməliyyat məlumatı əsasında “Samur” gömrük postunun gömrük nəzarəti zonasında  2 avtomobilə baxış keçirib.

Yoxlama zamanı avtomobillərin müxtəlif yerlərindən gömrük nəzarətindən gizlədilən 41200 ədəd siqaret aşkar edilərək götürülüb.

1news.az