XİN Orlando şəhərində baş verən silahlı hücumla bağlı ABŞ-a başsağlığı verib

Azərbaycanın Xarici İşlər Nazirliyi (XİN) Orlando şəhərində baş verən silahlı hücumla bağlı ABŞ-a başsağlığı məktubu göndərib.

1news.az-ın verdiyi xəbərə görə, bu haqda XİN-in mətbuat xidmətinin rəhbəri Hikmət Hacıyev bildirib:

“12 iyun 2016-cı il tarixində Amerika Birləşmiş Ştatlarının Orlando şəhərində çox sayda insanın ölümü və yaralanması ilə nəticələnən dəhşətli silahlı hücumu qınayırıq.

Həlak olanların ailələrinə və Amerika Birləşmiş Ştatlarının xalqına dərin hüznlə baş sağlığı verir və yaralananların tezliklə şəfa tapmasını diləyirik”.

Xatırladaq ki, ABŞ-ın Florida ştatının Orlando şəhərində yerləşən “Pulse” gecə klubunda törədilənterror aktı nəticəsində 50 nəfər ölüb, 53 nəfər yaralanıb.

1news.az