Mehdiabad sakininin həyətindən 54 ədəd çətənə kolu və 1,05 kiloqram marixuana aşkar edilib

Həyətində narkotik maddə yetişdirməklə məşğul olan Mehdiabad sakini tutulub.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, Abşeron Rayon Polis İdarəsinin Mehdiabad Polis Bölməsi və Nizami polisinin həyata keçirdikləri əməliyyat-axtarış tədbirləri nəticəsində Mehdiabad qəsəbə sakini Elşən Hüseynova məxsus həyətyanı sahədən kultivasiya yolu ilə yetişdirilmiş 54 ədəd çətənə kolu və 1,05 kiloqram marixuana aşkar edilərək götürülüb.

1news.az