Qanvermə aksiyası: Türklər Ronaldonu axtarır - FOTO
“Türkiyə Qırmızı Aypara Cəmiyyəti” qanvermə aksiyasının təbliğatını genişləndirmək üçün ulduz futbolçu Kriştiano Ronaldo ilə razılıq əldə etməyə çalışır.
1news.az xarici KİV-ə istinadən xəbər verir ki, Ronaldo bu yaxınlarda Dubayda qanvermə aksiyasında iştirak etmiş və ona görə qan verənlərin sayında 30 faiz artım olmuşdu.
Bunu nəzərə alan “Türkiyə Qırmızı Aypara Cəmiyyəti” Ronaldonu Türkiyəyə gətirərək aksiyalardan birində iştirak etməsinə razı salmaq üçün çalışır.
Cəmiyyətin rəhbəri Kərəm Kınık bildirib ki, futbolçu ilə ilkin görüşmə müsbət keçib:
“15 iyulda hərbi çevriliş cəhdi olmasaydı bu proses daha tez baş tuta bilərdi. Danışıqlarımız hələ davam edir”.
Qeyd edək ki, tez-tez qanvermə aksiyalarında iştirak edən Ronaldonun bədənində heç bir döymə yoxdur.
1news.az
