“Kəpəz”in iki müdafiəçisi zədələnib

AZAL-la Gəncədə keçirilən oyundan öncəki məşqdə zədələnən Azad Kərimov “Kəpəz”in hazırlığında iştirak edə bilmir.

1news.az-ın “Kəpəz” FK-ya istinadla verdiyi xəbərə görə, baldır ayaq oynağı, eyni zamanda vətər və bağları dartılan gənc müdafiəçi bu üzdən komandadan kənarda qalıb. Azadın müalicəsi davam etdirilir.

Bundan əlavə, klubun daha bir üzvü Renan da Silva Alves də zədələnib. Kərimovla müqayisədə braziliyalının zədəsi ciddi deyil.

1news.az