Obama G20 sammiti zamanı diqqətini Putinlə Ərdoğanın söhbətinə yönəldib – FOTO

Çinin Hançjou şəhərində keçirilən “Böyük İyirmilik” (G20) Sammitinin rəsmi foto çəkilişləri zamanı Ağ Ev rəhbəri Barak Obamanın diqqəti prezidentlər Ərdoğanla Putinin söhbətinə yönəlib.

Hürriyet-in dərc etdiyi fotolardan da aydın görünür ki, ABŞ dövlət başçısının diqqətini Türkiyə və Rusiya prezidentlərinin çəkilişdən öncəki söhbəti çəkib.

İki gün davam edən “Böyük İyirmilik” (G20) - iqtisadi cəhətdən inkişaf etmiş və inkişaf etməkdə olan böyük dövlətlərin qeyri-formal birliyidir.  Sammit sentyabrın 4-də başlayıb. Sammitin mövzusu: “Dünya iqtisadiyyatının innovativ, sağlam, inkluziv və qarşılıqlı əlaqəsidir”.

Sammit başlamadan önvə dünya liderləri rəsmi foto üçün şəkil çəkdiriblər. Prezident Ərdoğan sammitin rəhbəri, Çinin dövlət başçısı Si Szinpinin yanında, digər tərəfində isə Rusiya prezidenti Vladimir Putinlə dayanıb.

Fotolardan birində görünür ki, Ərdoğan və Putin bir-biri ilə müzakirə edirlər.

Bu məqamda Obama başqa tərəfə baxır.

Digər fotoda isə aydın görünür ki, Obamanın diqqəti Ərdoğanla Putinin söhbətinə cəmlənib və hətta o, bir qədər qarşıya əyilərək maraqla onları izləyir.

G20 sammitinin gedişi zamanı Putin və Ərdoğan yan-yana əyləşmələri də maraqlıdır.

1news.az