Rusiyalı paralimpiyaçılarla bağlı Moskva Bakıya təşəkkür etdi – VİDEO
Rusiya paralimpiyaçılarımızla bağlı vəziyyətin ədalətsiz olduğunu anlayan və buna münasibət bildirən Bakıya, ölkə vətəndaşlarına, azərbaycanlı həmkarlara təşəkkür edir.
1news.az-ın verdiyi xəbərə görə, bunu Trend-in xüsusi müxbirinin sualını cavablandıran Rusiya Xarici İşlər Nazirliyinin nümayəndəsi Mariya Zaxarova deyib.
O deyib: “Bizi dəstəkləyən, xüsusən də azərbaycanlı həmkarlara böyük təşəkkür edirik”.
Qeyd edək ki, İdman Arbitraj Məhkəməsinin çıxardığı qərara əsasən, Beynəlxalq Olimpiya Komitəsi tərəfindən rusiyalı paralimpiyaçıların lisenziyalarının əllərindən alınaraq digər ölkələrə paylanılması və Azərbaycana da 3 lisenziyanın təqdim edilməsi Azərbaycan Paralimpiya Komitəsi tərəfindən verilmiş, Gənclər və İdman Nazirliyi tərəfindən bir müddət bundan öncə elan olunan qərara əsasən müsbət qarşılanmayıb və lisenziyalar qəbul edilməyib.
Paralimpiya Oyunlarının bu gün başlamasını, rusiyalı paralimpiyaçıların bu oyunlara buraxılmaması qərarının dəyişməz olduğunu nəzərə alaraq, Azərbaycan tərəfi rəsmən 3 lisenziyadan imtina edib və paralimpiyaçılarımızın özlərinin qazandıqları lisenziya əsasında Olimpiya Oyunlarına qatılıblar.
1news.az
