Bank Respublika nizamnamə kapitalını artırdı
15 iyul 2016-cı il tarixində Bank Respublika ASC-nin Baş ofisində səhmdarların ümumi yığıncağında bankın nizamnamə kapitalının 20 mln. manat artırılmasına dair qərar qəbul olunub.
Bu qərar əsasında 15 sentyabr tarixində səhmlərin alınması məqsədi ilə bankın mövcud səhmdarları tərəfindən Milli Depozit Mərkəzinə 20 mln. manat köçürülüb.
Bu artım, nizamnamə kapitalının 53% təşkil edib və 57.5 mln. manata çatdırılıb.
Kapital artımı bankın inkişaf strategiyasına uyğun olaraq həyata keçirilib və bankın dayanıqlı inkişafını təmin edib, əməliyyat və kreditləşdirmə imkanlarını genişləndircək.
Kapitalın gücləndirilməsi həmçinin əsas inkişaf sahələrindən biri olan korporativ bankçılıq sahəsində daha da geniş işin aparılmasına imkan yaradacaq.
Artıq elektron bankçılıq kanalları, kart məhsulları və digər bank xidmətlərdə öz əksini tapmış prioritet istiqamətlərindən olan innovasiyalar da bu addımdan sonra daha böyük tədbiq imkanları alacaqlar.
Qeyd edək ki, Bank Respublika 22 may 1992-ci il tarixdə Azərbaycan Respublikası Milli Bankının lisenziyası əsasında fəaliyyətə başlamış və artıq 24 ildir ki öz müştərilər üçün faydalı olmaq prinsipi ilə fəaliyyət göstərir.
Bankın səhmdarları sırasında Almaniyanın 2 maliyyə təşkilatı təmsil olunur – KfW bank qrupunun üzvü DEG İnvestisiya Şirkəti və Sparkassen-Finanzgruppe maliyyə qrupunun üzvü Sparkassen International Development Trust.
