Vladimir Putinin Türkiyəyə səfərinin tarixi bəlli oldu – YENİLƏNİB
Rusiya prezidenti Vladimir Putin oktyabrın 11 Türkiyədə səfərdə olacaq.
1news.az-ın “Hürriyet”ə istinadən verdiyi məlumatına əsasən, Türkiyənin Birjalar Birliyinin sədri Rifat Hisarcıoğlu V.Putinin İstanbulda keçiriləcək birgə Rusiya-Türkiyə iqtisadi komissiyasının iclasında iştirak edəcəyini bildirib.
“Gündəmdə “Türk axını” layihəsinin həyata keçirilməsi, türkiyəli iş adamlarına qarşı bir sıra məhdudiyyətlərin aradan götürülməsinə dair məsələlərin durması gözlənilir”, - deyə o əlavə edib.
R.Hisarcıoğlunun sözlərinə görə, görüşdə həmçinin viza prosedurlarının asanlaşması məsələsinin də müzakirəsi gözlənilir.
1news.az
15:12
Putin oktyabr ayında Türkiyəyə səfər edə bilər.
1news.az-ın RİA Novosti-yə istinadən verdiyi məlumatına əsasən, bu haqda Rusiya prezidentinin mətbuat katibi Dmitri Peskov bildirib.
Onun sözlərinə görə, bütün hazırlıq işləri həll edildikdən sonra bununla bağlı rəsmi bəyanat veriləcək.
“Bunu istisna etmirəm. Bütün hazırlıq tədbirləri bitdikdən sonra müvafiq bəyanat verəcəyik”, - deyə o bildirib.
1news.az
