İstanbulda baş vermiş partlayış nəticəsində 5 nəfər yaralanıb

İstanbulda yerləşən Atatürk hava limanı yaxınlığında partlayış 5 nəfəri yaralayıb.

1news.az-ın Anadolu Ajansa istinadən verdiyi məlumatına əsasən, bu haqda İstanbul şəhərinin meri Vasip Şahin bildirib.

“Motosikletə doldurulmuş partlayıcı maddənin partladılması nəticəsində, ilkin məlumatlara əsasən, 5 vətəndaşımız yaralanıb. Onlardan birinin vəziyyəti ağırdır”, - deyə V.Şahin öz Tvitter hesabında yazıb.

Hal-hazırda polis qüvvələri hadisə yerini araşdırırlar.

Yaralı insanlar isə təcili tibbi maşınlarla xəstəxanalara çatdırılıblar.

Xəbərlə əlaqədar oxuyun: İstanbulda baş vermiş partlayışın səbəbi açıqlanıb – FOTO – VİDEO – YENİLƏNİB

1news.az