Çavuşoğlu: Türkiyə Qarabağ problemin Azərbaycanın marağına uyğun nizamlanmasını dəstəkləyir

Türkiyənin xarici işlər naziri Mövlud Çavuşoğlu AŞPA-nın sessiyasındakı çıxışından sonra Azərbaycan nümayəndə heyətinin üzvü Qənirə Paşayevanın Ermənistan-Azərbaycan, Dağlıq Qarabağ münaqişəsi ilə bağlı sualını da cavablandırıb.

Nazir ölkəsinin Ermənistan-Azərbaycan münaqişəsinin sülh yolu ilə həlli istiqamətində səylər göstərdiyini diqqətə çatdırıb:

 “Rusiya münaqişənin həlli istiqamətində öz səylərini bizimlə paylaşdı, biz də dəstəyimizi bildirdik. Biz problemin Azərbaycanın marağına uyğun olaraq nizamlanmasını dəstəkləyirik. Bu işğal nə üçün davam etməlidir?”

AZƏRTAC