Qobu sakinini güllələyən şəxs tutuldu - YENİLƏNİB
Xəbər verdiyimiz kimi, bu gün səhər saatlarında Abşeron rayonunun Qobu qəsəbə sakini Rövşən Abbasov odlu silahdan açılan atəşlə qətlə yetirilib.
1news.az Daxili İşlər Nazirliyinin (DİN) saytına istinadən xəbər verir ki, rayon polisi və prokurorluğu əməkdaşları tərəfindən həyata keçirilmiş əməliyyat-istintaq tədbirləri nəticəsində hadisəni törətməkdə şübhəli bilinən həmyerlisi, əvvəllər məhkum olunmuş Tural Əlizadə tutulub.
Ondan müvafiq sənədləri olan “Vinçester” markalı tüfəng və patron götürülüb.
1news.az
09:31
Abşeron rayon sakini güllələnərək qətlə yetirilib.
1news.az “Report”a istinadən xəbər verir ki, hadisə Qobu qəsəbəsində baş verib.
Məlumata görə, gecə saatlarında Qobu qəsəbəsində yaşayan 1975-ci il təvvəlüdlü Abbasov Rövşən Rafiq oğlu naməlum şəxs tərəfindən odlu silahdan açılan atəş nəticəsində ölüb.
Hadisə 90 SX 740 dövlət qeydiyyat nişanlı “Toyota Land Cruiser” markalı avtomobilin yaxınlığında baş verib.
Odlu silahdan açılan atəş avtomobilə də zərər vurub.
Faktla bağlı cinayət işi başlanılıb, araşdırma aparılır.
1news.az
