Suriyada uşaqların öldüyünə baxmayaraq Bəşər Əsəd gecələr rahat yatdığını etiraf edib – VİDEO
Suriyanın prezidenti Bəşər Əsəd ölkədə bu qədər uşağın öldüyünə baxmayaraq, gülümsəyərək gecələr rahat yatdığını, yaxşı iştahası olduğunu və idman da etdiyini bildirib.
1news.az-ın The İndependent-ə isitnadən verdiyi məlumatına əsasən, bunu B.Əsəd The Sunday Times dərgisinə müsahibəsində bildirib.
Bundan əlavə, o, 100 minlərlə dinc sakinin məhv edilməsini “terrorçuların səhvi” kimi qiymətləndirib.
“Biz xeyriyyəçilikdən yox, müharibədən danışırıq”, - deyə o qeyd edib.
Müsahibinin Suriyada bu qədər uşağın ödüyü halda gecələr necə yata bilməsi haqda sualına Bəşər Əsəd gülərək deyib:
“Mən bu sualın nə məna kəsb etdiyini anlayıram. Mən mütəmadi olaraq yatıram, işləyirəm, yemək yeyirəm və idmanla məşğul oluram”.
Onun sözlərinə görə, müharibə zamanı həmişə günahsız insanlar xəsarət alır və ya həyatını itirir.
“Bu halda siz nə edirsiniz? Ən yaxşısını. Terrorçular hələ də Hələbdədir və dinc əhalini qalxan qismində istifadə edirlər. Biz sakit durub sadəcə “Şəhəri dağıtmayın” deyə bilmərik. Şəhərdən daha vacib olan insanlardır və biz onlar üçün ən yaxşını etmək istəyirik”, - deyə B.Əsəd qeyd edib.
Müsahibə zamanı Bəşər Əsəd həmçinin Nobel mükafatına nominasiya edilən Ağ Dəbilqələrəin ölü uşaqların şəkilləri ilə manipulyasiya etdiyini bildirib.
Xatırladaq ki, bundan əvvəl, hava zərbələrindən sonra təcili tibbi yardım maşınında çəkilmiş qanlar içində 5-yaşlı Omran Daqnişin şəklinin saxta olduğunu iddia etmişdi.
“Şeytanlaşdırma ən pik həddinə çatıb. Suriyalıların indi iki seçimi var: ya Bəşər Əsəd, ya da ekstermistlər. Bu diktatordur, bu öz xalqını qırır, başların bombalar yağdırır...onlar (Qərb) mənim haqda bundan başqa bir şey deyə bilmirlər”, - deyə Bəşər Əsəd vurğulayıb.
1news.az
