Vladimir Putin: Neft hasilatını “dondurmaq” bizim üçün problem təşkil etmir
Rusiya neft hasilatını hazırkı səviyyədə “dondurmağa” hazırdır.
1news.az Azərtac-a istinadla xəbər verir ki, bu sözləri Perunun paytaxtı Limada keçirilən Asiya-Sakit Okean İqtisadi Əməkdaşlığı (APEC) Sammitində Rusiya Prezidenti Vladimir Putin deyib:
“Əgər belə olarsa, bizim energetika sektoru heç bir zərər görməyəcək. Energetika nazirimiz ölkənin iri neft şirkətləri ilə daimi təmasdadır və onlar bu işə hazır olduqlarını vurğulayıblar”.
Putin qeyd edib ki, OPEC hasilatın “dondurulmasına” nail ola bilər:
“Lakin buna 100 faiz əminliyimi bildirə bilmərəm. OPEC daxilindəki ziddiyyətlər nisbətən aradan qaldırılıb. Biz də öz tərəfimizdən tərəfdaşlarımızın bizdən gözlədiyini etməyə hazırıq. Neft hasilatını “dondurmaq” bizim üçün problem təşkil etmir”,- deyə Rusiya Prezidenti noyabrın 30-da Vyanada keçiriləcək OPEC sammitini şərh edərkən bildirib.
1news.az
