Türkiyədə növbəti terror hadisəsi: 13 şəhid, 48 yaralı var - FOTO

Türkiyədə hərbçiləri daşıyan avtobus partladılıb.

1news.az Türkiyə mətbuatına istinadən xəbər verir ki, hadisə Kayseri şəhərində baş verib.

Yerli vaxtla saat 08:45 radələrində Erciyes Universiteti şəhərciyinin yaxınlığında içərisində mülki geyimli hərbçilərin olduğu avtobusa bomba ilə yüklənmiş avtomobil çırpılıb.

Hadisə nəticəsində 13 nəfər ölüb, 48 nəfər isə yaralanıb.

Qeyd edək ki, ötən həftə İstanbulda törədilən terror hadisəsi nəticəsində isə 44 nəfər şəhid olmuşdu.

1news.az