Gürcüstanın baş naziri İlham Əliyevi təbrik edib

Gürcüstanın baş naziri Giorgi Kvirikaşvili doğum günü münasibətilə təbrik məktubu göndərib.

1news.az-ın dövlət başçısının rəsmi saytına istinadən verdiyi xəbərə görə, məktubda deyilir:

“Zati-aliləri,

Sizi doğum gününüz münasibətilə səmimi qəlbdən təbrik edir, Zati-alinizə möhkəm cansağlığı, xoşbəxtlik və uğurlar arzulayıram.

Gürcüstan ilə Azərbaycan Respublikası arasında mövcud olan, dostluğa, həmrəyliyə və qarşılıqlı ehtirama söykənən əlaqələri biz yüksək qiymətləndiririk. Bu əlaqələr regionda sülhə, sabitliyə və iqtisadi rifaha töhfə verməkdədir.

İnanıram ki, bizim yaxın əlaqələrimiz, qarşılıqlı əməkdaşlığımız, ümumi məqsədlərimiz daha da inkişaf edəcəkdir.

Bir daha Sizə öz dərin ehtiramımı ifadə edir və bütün işlərinizdə uğurlar diləyirəm”.

1news.az