KÖMƏYƏ ÇAĞIRIŞ: Anam və qızım ağır xəstədir, çıxılmaz vəziyyətdəyəm... - FOTO
Redaksiyamıza İqbal İbadov adlı oxucumuzdan məktub gəlib. O, bizdən kömək edilməsini xahiş etdi. Belə ki, İqbal çıxılmaz vəziyyətdədir.
Bu ilin aprelində altı yaşı tamam olacaq qızı Fatimə İbadova – uşaq beyin iflicindən əziyyət çəkir. İqbalın anası Rəsmiyyə xanım isə - xərcəng xəstəsidir.
Bu günə qədər İqbal iki əziz insanına yardım etməyə çalışıb. O, heç kəsdən maddi yardım istəməyərək bütün müalicə xərclərini özü ödəyib. Belə ki, müəyyən ev əyşalarını sataraq və ya müxtəlif işlərdə çalıraraq bu ağır yükün öhdəsindən gəlirdi. Qızının və anasının müalicəsi ilə əlaqədar İqbal iş yerini tez-tez buraxmaq məcburiyyətində qalırdı. Anasının səhəti ilə bağlı İrana getməli olurmuş. Bu da onun işsiz qalmasına gətirib çıxarır.
Lakin İqbal yenə də işləməyə çalışır: gah hansısa kofedə ofisiant kimi, gah da fəhlə kimi. Təki evə bir parça çörək pulu aparsın. Lakin bu, onların müalicə xərclərinə yetmir.
“Fatiməni burada müalicə etdirmək istəyirdik. Qızım müxtəlif reabilitasiya mərkəzlərində müalicə kursu keçib. Lakin bunun heç bir müsbət nəticəsi olmurdu. Hələ işlədiyim müddətdə qızım üçün Türkiyədəki klinikaları araşdırmağa başladım. Və oradadakı klinikanın birində qızımın xəstəliyinin sağalması mümkündür. Həmçinin oradan bizi ümidləndirdilər ki, bu klinikada altıaylıq müalicə müddəti keçərsə Fatimə tamamilə sağalacaq.
Bunu eşitmək belə mənimçün xoşbəxtlikdir. Lakin bunun üçün bizə 30 min dollar lazımdır. İlk olaraq düşündüm ki, müəyyən qənaət etməklə və ya dostlarımdan müəyyən hissə borc almaqla bu vəsaiti toplaya biləcəyəm. Lakin işdən çıxmaqla bunun mümkün olmadığını anladım. Və həmvətənlilərimə yardıma görə müraciət etməkdən başqa çarəm yoxdur”, - deyə İqbal bildirdi.
Onun sözlərinə görə, bu məbləğə Ankarada altı ay müddətinə yaşamaq və uşağın müalicəsi mümkündür. Türkiyədəki klinikanın adı Fizyo Care Fizik Tedavi ve Rehabilitasyon Merkezi-dir.
Balaca Fatimənin müalicəsinə hələ ötən ilin noyabrında başlanılmalı idi. Lakin maddi vəsaitin olmaması, eləcə də İqbalın öz gücü ilə vəsait toplaya bilməməsi səbəbindən gecikirdi.
“Qızımdan əlavə, anam da xəstədir. Ona 2015-ci ildə süd vəzi xərcəngi diaqnozu qoyulub. Bir neçə kimyaterapiya ilə müalicədən sonra xəstəliyin qarşısı alındı. Lakin yenidən xəsətlik anamı narahat edir. Anamın müalicəsi isə Təbrizdədir. Bunun üçün bizə 15 min manata yaxın pul lazımdır”, - İqbal sözlərinə əlavə edib:
“Belə bir iqtisadi vəziyyətdə həmvətənlərimə müraciət etmək çətindir. Lakin mənim çıxış yolum yoxdur. Mənə anama yardım etməliyəm, eləcə də qızımı xilas etməliyəm. Onların müalicəsinə belə pul qazana bilmirəm. Onların məndən başqa güman yeri yoxdur. Kimin imkanı varsa xahiş edirəm bizlərə kömək edin”.
Aşağıda tibbi sənədlərin nüsxəsini, eləcə də bank rekvizitlərini dərc edəcəyik. Ümid edirik ki, İqbal yaxın zamanda lazımi vəsaiti toplayaraq iki doğmasını – anası və qızının həyatını xilas edə biləcək.
Əl tutmaq Əlidən (imam) qalıb!
Əlaqə nömrələri:
(055) 761-58-24, (077) 301-08- 62 (İqbal)
1news.az
